話說在上個月炒得熱哄哄，不少人都想慕名入元朗買的由日本伊藤麵株式會社生產的蟹王麵，最近開始在 Ztore 及優品 360 有售，不再隱世小編也入手了一包試下係咪真係好食過出前一丁。
5 包裝的蟹王麵在優品 360 賣 $24.5，即係每包大約 $5 左右，與日本版的出前一丁售價相約。
雖然叫做蟹王麵，不過其實成份係冇蟹，而且都唔係蟹味的。
蟹王麵與出前一丁一樣，入面有一包湯粉同一包麻油。煮法係先用水煮麵約 3 分鐘，離火後再加入湯粉及麻油。
湯粉的味道其實也與出前一丁差不多，主要成份有胡椒粉、蔥屑片、洋蔥粉及大蒜粉等。
基本上，蟹王麵的麵質是偏軟及滑，不及出前一丁彈牙。不過麵湯做得比較出色，冇出前一丁咁深色，而且味道比較清，唔會好似出前一丁麵湯咁咸。
本站文章除註明轉載外，均為本站原創編譯
轉載請註明：文章轉載自：TechOrz 囧科技 [http://www.techorz.com/]
本文標題：隱世麵週街賣，日本製蟹王麵真係比出前一丁好食咩？
本文網址：http://www.techorz.com/buzz/itomen-japanese-instant-ramen/
Source:: techorz.com
