小米手環 5 早前就喺香港推出咗，喺香港推出嘅係冇 NFC 嘅普通版，香港正價就賣 $239，比上一代發佈時貴咗廿蚊。咁市場價依家又賣緊幾錢呢？其實呢啲二百蚊嘅野，大家都唔會期望有咩大減價可言吧！依家街價最平去到 $228，水貨有埋 NFC 都係平多十蚊 $218，你覺得吸引嗎？不如睇左嘅評測先再作決定？【開箱評測】小米手環 5：同小米手環 4 差幾多
小米手環 5 配備咗一個 1.1 吋 AMOLED 螢幕，顯示面積比上一代多咗 20%，內建咗 65 款手錶錶盤。主體可以同手帶分拆，並支援更換 6 種唔同顏色嘅手帶。今次最大嘅創新就係終於轉用磁吸幫手環充電，唔洗再每次由手帶拆個主體出黎幫佢充電，起碼個手帶會冇咁容易拉鬆。