Apple 除了有全新既 iPhone、iPad 及 Macbook 之外，其實大家仲可以選擇用平少少既價錢買 refurbished 即係翻新機。但估唔到依架除左 Apple 之外，原來 NETGEAR 都為旗下既 Router ，Orbi RBK20 推出官方認證翻新機，至於翻新機同全新機又有咩分別呢？今次同大家一齊睇睇。
翻新機既意思並唔係一定「你件野壞左」或者係「一部壞左既機」，有機會係因為出廠時包裝盒有破損、機身有花痕而需要退貨，咁廠商就會進行翻新，換左包裝在放返出黎平賣，所以並不一定涉及機件的問題。
翻新機同全新機有咩分別呢？大家買既時候又要點分別？
1.首先大家可以從包裝盒就睇得出兩者既不同之處，全新原裝貨品，一定會有印上 Orbi 字眼的包裝，而且係用「藍色盒」的。而官方認證翻新機，就係完全沒有任何包裝印刷，只是單以一個「白色盒」裝起部機，可以話係單睇表面就知分別！
2.其次，打開個盒，攞部機出黎既時候，大家可以睇下個機底，官方認證翻新機係會貼有一個「紫色標籤」，上面寫有 Certified Refurbished 的字眼。
雖然只係翻新機，但當中既配件仍然係跟足原裝一樣咁齊全，有火牛、有 LAN 線，而據講仲會提供二年保養添。
Online 網店發現賣梗翻新機
而 Apple 既翻新機就只有網上 Online 去 Apple 官網買，至於 NETGEAR 既翻新機，街舖有無？我地就唔知，但發現網店 Netgear 網上旗艦店就有 RBK20 官方認證翻新機發售，定價為 HK$1350，依個價比原裝全新既 HK$1980，足足平左 6 百幾，大家有興趣既話，不妨去網店睇睇。
轉載自：Techritual.com
