如果你知道咩係 Palm？咁你或者會對呢部機有興趣！因為呢部手機吸引之處就係佢個名叫 Palm。Palm 出嘅手機以前會行 Palm OS，但由於 Palm OS 已經成為左 LG 嘅電視系統，而更加老遠嘅 palm 電子手帳或者手機就更加係 Old School 野，比起 Nokia 賣復刻手機係賣情懷，買 palm 手機嘅朋友直頭係入埋骨。
Palm 係 2019 年香港推出左部得 3.3吋芒嘅 palm (2019)，本身定價 $2988，真係睇見個價都 Bye Bye，因為佢個處理器係 Qualcomm S435，3GB RAM + 32GB 儲存空間，配 1,200萬像素及 800萬自拍鏡頭與 800mAh 電池。買佢嘅一定唔係主力機，係要來當副機，但副機要成三千蚊又真係難啲令人入手。
不過來到 2020年，想買 Palm 手機嘅朋友似乎可以考慮下，因為佢終於跌到去一個吸引嘅價錢，唔再係三千，而係 $1199，千元買部情懷副機來用都叫合理，起碼佢有 IP68 防水能力，細細部拿去跑步都 OK，起碼唔係用 MTK。
