喪屍

「無自我，無意識，無想法，人云亦云，行動跟大隊，衣著跟潮流，無病呻吟，怨天尤人，似撞邪，又似上身。細心留意吓身邊既人，甚至自己，其實唔難發現『喪屍』既蹤跡。」 經過天與地同D&G，人人都話The City is Dying，其實所謂Dying，並唔係指物理上既死亡，意思係指，社會入面，人失去理想，失去精神上既自由，淨底一副軀殼，喺度行屍走肉，營營役役唔知為咩。 如果細心留意吓身邊既人，甚至自己，其實唔難發現「喪屍」既蹤跡：無自我，無意識，無想法，人云亦云，行動跟大隊，衣著跟潮流，無病呻吟，怨天尤人，似撞邪，又似上身。 其實，就好似流感一樣，人人都有機會中招，差別在於，程度深淺，同埋自癒時間既長短。我自己曾幾何時，工作太忙，壓力太大，負能量爆燈，都做過一排喪屍。 於是後來，有一返說話，每天我都會提醒自己至少一次：「When we’re at peace within, and immersed in the task at hand – without negative thoughts sabotaging our productivity – action becomes effortless.」 不過老老實實，呢返說話本身，並唔係靈丹妙藥。我發現〈對我而言〉踱步反而見效得多，於是每當我壓力超標，我會選擇獨自出街，然後漫無目的地，慢慢踱步，向前行。過程中，心情會平伏落嚟，靈魂彷彿歸咗位，記得返自己係邊嗰，咩嘢先至緊要，成個Look，亦會當堂由一隻張力舞爪既喪屍，慢慢變到返似個人樣。