Arlo 用戶無論係用 Android 定係用 iOS，最近應該收到一個通知，需要你將手機 Apps 更新，重新下載 Arlo App，然後重新登入。編輯最近都收到通知並安裝，但搵極都搵唔到有咩分別。為此特登去問一問 Arlo 方面，終於得出以下嘅答案。
根據佢地嘅說法，原來今次更新並唔牽涉任何新功能，只係 Arlo 由 NETGEAR 獨立出來嘅後續工作。由於以往嘅 Arlo App 係登記係 NETGEAR 名下，而今次呢個重裝嘅 Arlo App 就係係 Arlo 名下，所以大家要重新下載並登入一次。功能上無新增，只要登入後再次授權使用「地理位置」權限就得。
睇番 Android Google Play Store 嘅介紹，兩款 Arlo App 確實係登記唔同公司名下，大家只要重裝就得，唔駛太多心。
查詢：Arlo 香港旗艦店