電腦節優惠減價經常都見，但未到 8 月底就開始比較少見。今次呢款 arlo 防水 IP cam 兩鏡頭裝減價唔算好多，減左 $200 咁大把，但係就送多粒電池及拖板，齊哂配套就唔錯啦！
根據官網資訊，由即日起至 8 月 31 日都有呢個優惠，$3780 有兩隻防水無線鏡頭，免費上門送貨，再加額外一粒電池同拖板。
Arlo Pro 2 呢個系列嘅鏡頭本身除左支援 iOS 及 Android 外，最新都新增支援埋 Apple HomeKit，Google Assisitant 及 Alexa 智能家居語音控制，玩開 Smart Home 嘅朋友見到支援呢堆野應該即刻著哂燈。
規格上佢本身有 1080p 全高清影片錄製質素，再加 130 度廣角拍攝，IP65 級別防水，夜視模式，雙向通話，加密傳送，仲有 120 分貝警示功能，功能真係多得滯。一次過係手機 App 睇哂幾個鏡頭畫面，夠哂方便。傳送門在此：Arlo Pro 2 兩鏡裝
