「洗手、洗手、洗手！」最近武漢肺炎肆虐，所以大家都會戴返個口罩保護自己之餘，仲需要勤於洗手清潔，但根據專家指出，原來今次肺炎既新冠狀病毒，原來可以係金屬物表面存活一段長時間，而水龍頭就係金屬物，我地洗完手再接觸返個水龍頭，即係洗完手都無用。
而香港其中一個確診個案之中，根據衞生署衞生防護中心採集的環境樣本顯示，洗手間的水龍頭手柄呈陽性。
有傳染病專家於電台節目表示，相比起普通流感，新型冠狀病毒可在環境中存活更長時間，而水龍頭開關掣竟然染出有病毒，由於洗手是防疫策略的重點，但依架雙手清潔過後，都有機會因接觸到手柄而受到感染，情況令人十分擔憂。
所以，專家建議，當水龍頭並不是電子感應式，便應該洗手並同時用肥皂清潔手柄，洗去病毒。
由此可見，即使我地根足步驟，徹底清潔雙手，也未必是安全，所以大家盡可能避免去公共洗手間，又或者在洗手時，同時用皂液清潔埋水龍頭。除此之外，或者你可以考慮安裝電子感應式的水龍頭，只要係感應器前，掃一掃就會自動出水，咁就唔駛摸到個水龍頭了。
安裝電子感應式的水龍頭，其實唔係想像中咁複雜，唔駛要搵技工拆左及更換原本個水喉，因為現時依類既產品都能夠支援市面上近九成唔同品牌既水龍頭一齊使用，只要扭一扭機身上既裝置，就可以簡單安裝到原有的水龍頭。
另下，最重要就係價錢一啲都唔貴，只不過係二百幾至六百幾不等，至於有咩選擇？可以睇睇下面既介紹。
Autowater Pro 自動感應水龍頭
Autowater 分別有廚房版及浴室版，要點揀，就要睇返你原本水龍頭暡設計，如果係出位低，咁就要揀浴室版，相反係出水位高，就可以揀廚房版，而兩個版本既規格都一樣，機身具有感應器，只要掃一掃就可以控制出水，而機身內亦有活性碳濾芯，可以去除水中雜質，當成過濾器，再加埋有智能感應小夜燈功能，夜晚唔駛摸黑洗手，又唔怕會摸到個水龍頭。
咱家感應水龍頭
至於另一款的 咱家感應節水水龍頭，就沒有再細分型號，所以比較適合安裝在高出位的水喉上使用，其機身側面及底部設有雙感應器，並提供兩種啟閉模式，其中使用側面感應器的話，更可連續出水三分鐘。
此外，這款產品備有 6 組轉接頭，適合安裝市面上大部份的水龍頭，同時又有防溢保護功能，仲能夠接受 75 度的水溫，冬天唔怕無熱水用。
轉載自：Techritual
