TCL P8M 4K高清畫質陪你煲劇抗疫

因為疫情嘅關係，大家宅係屋企嘅機會同時間越嚟越長，就算平時好少睇電視嘅，呢排開電視煲劇打發時間嘅機會越嚟越多。隨住高清同4K嘅普及，大家對於電視畫質嘅追求亦越嚟越高，今日同大家試嘅呢部TCL P8M 55吋可以話係超級性價比之選! 有幾抵?

TCL P8M 55吋雖然係金屬邊框，但機身都算特薄，如果連埋腳架展開位置，根據官方資料，都只係256mm，如果只係計淨機身側面都只係約1cm，絕對適合而家寸金尺土嘅香港蝸居。

機身背後設有3個HDMI插口及2個USB 2.0插口。HDMI插口基本上已適合一般家庭所需，好似筆者咁，1部PS4，一部Switch再加多個Now E盒子都絕對夠用。

作為一款運行Android 9嘅Smart TV，TCL P8M 已預載如Netflix 及 YouTube等大家常用嘅煲劇神器，大家除可於Google Play Store度下載其他用開嘅煲劇或新聞APP，最正係可以善用佢嘅Chromecast功能，將手機/電腦內容直接射屏! (係度順勢推介一個呢排陪住我抗疫嘅串流網站: https://poku.tv/)

Smart TV除左外型、軟件外，最重要嘅一定係畫質同音效。TCL P8M 4K 超高清電視具有3840 x 2160像素嘅超高解析度，係全高清電視像素嘅4倍。

就咁係YouTube上面搵左條4K片嚟播，可以好清楚咁睇到係detail位嘅光影同埋自然色。另外，作為一部配備HDR10嘅電視，HDR10技術優化左4K超高清顯示器嘅圖像質量，透過使用動態色調映射嚟反映場景嘅亮度變化，色彩飽和度同對比度。一邊試片時，個人就真係好似飛左去旅行咁!

至於音效方面，今次就試左呢排大熱嘅李屍朝鮮，聽住D喪屍起勢咁衝，跟住邸下佢地不斷屍殺果種震撼感，再配埋超高清畫面，自己真係好似係現場咁，緊張起嚟，真係手心都濕晒。

TCL P8M 55吋備有兩款遙控，長果款，我覺得就比較適合鍾意睇電視轉台嘅長輩用，而短果款呢，係一款智能遙控，支援Google Assistant 同語音控制。同時，兩個遙控都有Netflix鍵，可以一鍵直入Netflix介面，再配合埋語音功能，基本上搵劇冇難度。

作為一部4K 超高清電視，大家可能會覺得一定好貴，但我既然一開始講得係超級性價比之選，TCL P8M 55吋而家只係賣緊HK3,980! 呢個價你話係咪超抵先? 查詢: TCL STORE