智能電話、平板電腦就連 Switch 遊戲機，部部都有好勁既功能，都帶俾大家唔同既娛樂，不過最大既問題就係部部機唔同品牌不得止，仲要係唔同既充電頭，出到街或者去旅行都要帶好多條電線，咪話唔煩，想一條線插晒所有機，又要唔易斷，仲可以有埋 PD/QC 快充，一定係依條「MAGNETO 三合一磁吸快充線」。
好似 iPhone 就係 Lightning；Switch 或者新出既 Samsung S10 等 Android 系既電話就用 USB-C；而比較前代型號既電話同行動電源就用 MicroUSB；如果咁岩你用既產品，都有齊晒以上 3 個唔同既插頭就真係好頭痕。
而「MAGNETO 三合一磁吸快充線」最大好處就係一盒有晒依 3 款唔同既插頭，由於係用磁吸式設計，即係一條電線隨時可以配合唔同機，換上唔同既插頭用，解決多線隨身既煩惱。
另一個好處，就係「MAGNETO 三合一磁吸快充線」係兼容 PD/QC 既快充技術，充電時間即使提升，唔係散貨場既 Cheap 雞磁能線可以比，而最重要既就係 MAGNETO 唔單止可以充電，仲可以插電腦做埋數據傳輸。
依架網店 anlander.com 就標價 HK$198，唔算貴又唔太平，依功能同質素計，屬於中等價位可以接受啦，不過都仲係要考慮又覺得唔抵既話，咁無計啦，自己落街邊檔慢慢搵啦。
