智能電視市場競爭激烈，繼一線大品推出新型號的機款之後，TCL 也推出入門級價錢的新機 S65000，而售價都係同樣屬於入門級，只不過係 HK$3,280（40吋）及 HK$3,680（43吋），而 TCL 最大既賣點，就係內置了獲 Google 官方認證的 Android TV 系統。如果想趁新年前換返部新電視既話，大家不妨考慮一下依部 S6500！
介紹返，TCL S6500 唔係有 4K 既畫質，不過都有 Full HD 1080P 既高清質素，雖然影像就無 4K 電視咁勁，但係就一啲都唔輸蝕，仲支援 HDR 高動態範圍顯示技術，即係播出黎既影像層次分明，光既地方光，應暗既地方都係暗，而個屏幕仲繼續保持品牌沿有既薄邊框設計添。
「真·Android TV」系統 同雜牌電視完全唔同
至於 TCL S6500 既大賣點就係內建經 Google 認證之 Android TV 8.0 系統，留意返，依個係「真·Android TV」系統，唔同其他只係裝手機個隻 Android 系統就話自己係 Android TV 既電視機。 「真·Android TV」系統係有專屬於電視之用既 Google Play Store，而且 NETFLIX、YouTube 依啲 APP 都會有唔同，起碼係電視播同手機播既尺寸同解像度都唔同，由於 TCL S6500 係真正既 Android TV，所以機內一早已經有晒 NETFLIX、YouTube 既應用程式，如果唔夠睇，仲可以用 Wi-Fi 連接上網睇其他電影同聽歌。
到最後，大家都係重點睇價錢，3 千幾一部行 Android TV 系統既電視，雖然無 4K 只有 FULL HD，不過質素其實都係差少少，唔係太過追求畫面去到出神入化既話，TCL S6500 我個人就覺得 OK 架啦。
查詢：TCL 網上旗艦店
