去外地旅行除了遊覽景點，享受美食同埋盡情購物，而行程中都會影唔少相，不過當你返到酒店，準備用 Wi-Fi 上網分享照片、行程之時，先發現酒店房一係無 Wi-Fi ，一係就差到等於無，咁點算好啦？今次分享下幾個補救方法俾大家參考下。
公共 Wi-Fi 係免費 不過唔安全
酒店 Wi-Fi 差真係無計，不過可以試下去附近既麥當勞、Starbucks、圖書館用免費既公共 Wi-Fi，雖然可以即時解決上網既問題，但係就收到時間及地點既限制，而且公共 Wi-Fi 經常有好多人同時連網，所以網速自然慢，而且安全性絕對唔會高，好大機會受到黑客攻擊，從而資料外洩或會招致損失。
SIM 卡上網或租 Wi-Fi 蛋 好似解決左問題 其實又唔係
或者你可能會反駁，無 Wi-Fi 咪用當地上網既數據 SIM 卡，然後將自己部電話當成熱點分享，或者租用 Wi-Fi 蛋囉。無錯，雖然以上都係唔錯既解決方案，不過當中原來存在唔少問題，首先電話化身為熱點的功能，好容易令手機無電，加上有電訊公司表明，手機做熱是會鎖速，咁即係網速攤開幾部機用，只會越來越慢，簡單啲講就係嘥電又嘥時間。
咁 Wi-Fi 蛋呢？當然好過用手機做熱點啦，而收費就係逐日計，大概幾十蚊一日，而且好多 Wi-Fi 蛋仲支援 4G 及無限上網，不過當去到一定流量會唔鎖速，大家就要留意下細節，而 Wi-Fi 蛋另一限制就係未必可以俾好多裝置連網，同埋多裝置連線都會有慢網速既情況。
雖然 Wi-Fi 蛋係唔錯，不過租既時候又要俾按金，仲要預早 1 日攞機，返黎後又要 1 日內還機，變相要額外花時間，而部份公司會提供速遞交收，或者機場交還服務，但係收費自然又高一點。所以，我地有個更好既建議俾大家。
自備專屬流動熱點 Wi-Fi 裝置 從此無煩惱
既然以上咁多方法都未必最好，咁不如自購一部提供 Wi-Fi 既流動熱點裝置啦，例如 NETGEAR Nighthawk M1 係其中一個選擇。NETGEAR M1 支援 4G LTE 行動網絡，只要插入 SIM 卡就可以化身為流動熱點。
另外，NETGEAR Nighthawk M1 機身仲設有 LAN 接口，返到酒店用房間既 LAN 線接駁部機，M1 就會變成一部 Router，放出 Wi-Fi 訊號俾多部裝置無線上網，咁就唔怕酒店既弱雞 Wi-Fi 或者無 Wi-Fi 都唔怕。
NETGEAR Nighthawk M1 搭載 Qualcomm X16 LTE modem 處理器，可以同時連接最多 20 部裝置，並提供最快 1Gbps 下載與 150Mbps 上載速度，就算一大班人用都可以高速上網，依方面其他 Wi-Fi 蛋真係無得比。
