Netgear Orbi 系列推出劈價優惠最高減千幾再送 2 百元超市禮券！

Netgear 網上旗艦店推出特別折扣優惠，是次主打目標就是 Orbi 三頻 Mesh Wi-Fi Router 系列組合，趁依個機會啦，部份 Orbi 系列唔止減價呀，仲會再送二百至一百元超市禮券！！

Orbi 三頻 Mesh Wi-Fi 雙機裝／三機裝系列：RBK20、RBK23、RBK40、RBK53，全部減千幾至一百不等，仲要再加送超市現金劵，變相係再減，有幾抵？依架即刻睇！

其中睇返個表，RBK20、RBK23 依兩個系列減一百，再送一百禮券。RBK20 由原價 HK$2,080 減至 HK$1,980；而 RBK23 由原價 HK$2,880 減至 HK$2,780，以上兩個型號同樣再送出 HK$100 超市禮券。

至於 RBK40、RBK53 又點呢？

RBK40 由原價 HK$2,930 減至 HK$2,160，平左近八百元兼再送 HK$100 超市禮券，即係有差唔多成千元既優惠。

RBK53 仲巴閉，由原價 HK$5,788 減至 HK$4,480，足足劈成千三元，仲重本加碼送 HK$200 超市禮券，夾夾埋埋有成價值千五元優惠。

如果以三頻 Mesh Wi-Fi 既級數黎講，上面個優惠，絕對係非常抵買！不過無送禮券既其他 Orbi 系列都有減價喎！

其中最多人買既就係網速達到 AC3000 既雙機裝 RBK50 ，今次依款套裝都繼新年之後再推出優惠，現時由 HK$3,688 減至 HK$2,780，大劈 9 百幾，同級價黎講，其他品牌絕對無得比！

至於同品牌較高級既商用機型，網速達 AC3000 既 Orbi SRK60 雙機裝都唔執輸，減近 4 百，依架跌破 4 字頭，新價報 HK$3,990，岩晒大單位既辦公室或者 CAFE、餐廳用。

如果想玩智能家居既話，誠意推薦 RBK50V ，依個型號係採用 RBK50 既同款主機 Router，但特別就在搭配既衛星分機 RBS40V 除左有擴展上網既 Wi-Fi 功能之外，仲係一個智能喇叭，內建有 Amazon Alexa 語音助理，能夠接收用家的聲控指令連動支援 Amazon 既家電，同時又可以串流播放音樂。

RBK50V 依架由原價 HK$3,990 減至 HK$3,690 ，上到網又玩到智能家居，感覺都幾抵玩。如果你已經有 Orbi 任何型號既 Router ，都可以單買一隻 RBS40V 夾埋一齊用，依架 RBS40V 都減三百，做梗 HK$2,380。

市面上好多都標榜有 Mesh Wi-Fi，不過就只有雙頻，當主機同分機佔用一條頻譜之後，就得返單頻，Wi-Fi 覆蓋大左都無用，因為會減速，而 Orbi 係行三頻，就算好似連左主機同衛星，都仲有兩條頻條係俾大家上網，繼續有高網速既享受，所以絕對係真 Mesh Wi-Fi。